|
يا مين !!!!!!
يقولك أوباما
أقول السلامه
في صرخه عرابي
وعفه جميله
وآهه ياسين
أوباما وماكين
ملك أو كتابه
قانون الديابه
بيحكم في مين ؟
بيحكم في دارنا
ويقتل صغارنا
يغير مسارنا
فنصرخ يامين !!!!!
يامين انت فينا
ما تيجي تنادينا
وتمسك ايدينا
نقولك آمين
تورينا سكه
نشوف فيها بكره
ونقدر نقاوم
عدو لعين
عدو بيعرف يشكل ملامحه
بيضحك فتسرح آمال الغلابه
ويغضب فتجري الارانب تصالحه
فنصرخ ونرجع نقول انت فين ؟
يا مين انت منا
بحلمك آمنا
لإن ولكن
بتعمل رزين
ماتصرخ وترفض
وتنفض ترابك
ترابك ترابي
ياصرخه عرابي
ياعفه جميله
ياآهه ياسين
بقلم
عمرو السعودي
مصري مقيم في البرازيل
...إقرأ
المزيد.... |
